Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kiis kasala kowowoyoon puru JBPM nokoingkawas 56 pihatus, 33 tupisor nidu karaja

Boyoon Potunud JBPM, Datuk Wan Mohd Nor Ibrahim tuminanud di Monguhup Montiri Kotundaan Pomorunan Datuk Bolkiah Ismail mintong id pokikitanan id forum dilo. - Foto ALEX MAIRIN / Sayangsabah
Boyoon Potunud JBPM, Datuk Wan Mohd Nor Ibrahim tuminanud di Monguhup Montiri Kotundaan Pomorunan Datuk Bolkiah Ismail mintong id pokikitanan id forum dilo. – Foto ALEX MAIRIN / Sayangsabah

KOTA KINABALU – Kiis kasala kowowoyoon id tanga puru om tupisor Koupisan Bomba om Manampasi (JBPM) minopokito kinoingkawason soginumu 56 pihatus kumaa 137 kiis di toun 2-14 piagalon 88 kiis toun pogulu dilo.

Boyoon Potunud JPM Datuk Wan Mohd Nor Ibrahim minoboros do mantad ginumu dilo 33 tulun tupisor noidu karaja di toun nakatalib, nokoinsiriba sokiro piagalon toun 2013.

“Kinoingkawason om kinoinsiribaon do kiis kasala kowowoyoon dilo nopo nga waya tosonong asil pinonuridangan Unit Integriti JBPM,” ka disio kumaa maganu habar id Forum Pemerkasaan Integriti id Auditorium Kompleks Perntadbiran Persekutuan do hiti.

Wookon do kiis kasala kowowoyoon id tanga puru JBPM ih noonttok do laang kosuang nogi kasalaan momoguno dadah, amu nokorikot minongoi karaja lobi turu tadau miampai aiso alas an om noilaan nakasala do kuut.

Ka disio, ilo nga popokito pingisaman do puru pongurusan takawas JBPM id suang popoingkawas do integrity id tanga puru koupisan dilo.

Nokotindapou id forum dilo pinaanjur do JBPM, Suruhanjaya Manalob Susuap Malaysia (SPRM) om Longkod Integriti Malaysia (IIM) dilo nopo nga Speaker Walai Koundangan Pogun Datuk Salleh Said Keruak, Kumoduo Boyoon Posurujaya SPRM Datuk Mustafar Ali om Monguhup Montiri Kotundaan Pomorunan Datuk Bolkiah Ismail ih lumansan di Boyoon Montiri Datuk Seri Musa Aman. – Dii NUZIR ANDI SAMSIAR / Sayangsabah

Komen


Berita Berkaitan