Sayang Sabah Facebook

Likes
Sayang Sabah Twitter

11,809

Followers

Sayang Sabah - Portal Berita Negeri Kita

Kiis denggi id Sandakan aantaban

11:09pm 23/03/2016 Maryann 1 views Abal Kinoyonon,Kinoyonon,Sandakan

denggi-1-600x360
SANDAKAN: Ginumu kiis longohon sabap denggi id wata siti aantaban sasabapp kinopoindalanan karaja momunso denggi potilombus id siriba Ops Mega Kawalan om Pangantaban Denggi solinaid sombulan ih nopupusan tadau ko-15 tulan Kotolu nakatalib.

Tupisor Kolidasan Kinoyonon Sandakan Dr Johari Awang Besar minoboros do id minggu diti haro iso kiis longohon denggi pinoruput, om minggu nakatalib soginumu tolu kiis.

“Pingisaman kakal papanahon montok mogintong pogontoluan togonok Aedes om pomilian ‘Communication for Behavior Impact’ (COMBI) id toiso-iso kinoyonon kokompungan montok mogintong om poruput do kiis dilo,” ka disio kumaa Bernama do hiti di baino.

Ka disio wookon nopo pingisaman di pinapanau id siriba Ops Mega 2 nopo nga papanau karaja pomunsaan kinoyonon pogontoluan do Aedes id kampung di nointutunan naantakan korolihan do denggi.

Minoboros ih Johari karaja poobusan do kabus (fogging) kakal papanahon id kokompungan di nosiliu lokaliti korolihan do denggi wookon nopo nga id Kampung Batu Putih, Tinusa 2, Taman Sejati Ujana, Taman Mesra om Karamunting Baru.

Pinokianu disio mogigion id kinoyonon dilo tumilombus madtamong koborisian montok mogintong aiso kinoyonon pogontoluan do togonok.

Soginumu 913 kiis denggi pinoruput id pogun diti mantad tulan Koiso gisom 10 tulan Kotolu nakatalib, nokoingkawas 70 kiis piagalon timpu miagal dilo toun nakatalib. Watas Sandakan minoposurat kiis denggi goos takawas soginumu 319 tinanud do Kota Kinabalu (152) om Tawau (72) mantad toinsanan kiis denggi id Sabah. – BERNAMA

Apa Komen dan Pendapat Anda

Artikel Berkaitan