Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kg. Cenderamata 2 nakangaran kampung aiso rinomos kumointolu

kg cenderamata likas
KOTA KINABALU: Kampung Cenderamata 2 nakangaran sabaagi kampung aiso rinomos montok timpu kumointolu kalapas nangaranan kumoinsan nogi di toun 2008 om kumoinduo toun 2014 do Dewan Bandaraya Kota Kinabalu (DBKK).

Kampung diti nopo nga kampung kumoiso nangaranan sabaagi kampung aiso rinomos id Kakadaian Kota Kinabalu do DBKK di toun 2008 om nakaanu pogintangan mantad puru Monguasa Kinoyonon id Sabah om nogi Semenanjung Malaysia.

Pomungaranan Zon Aiso Rinomos diti nopo nga iso strategi Kimpin Anti Kutu Sampah DBKK ih mamaso nokoindalan.

Mantad nokotimpuun o kimpin dilo di toun 2008, gisom baino soginumu 139 kadai kosuang tupis, sikul, longkod balajaran takawas universiti, bank, kampung, walai sasambayangan om ogumu poh noungaranan kinoyonon aiso rinomos.

Tumanud Ponorikohon Mikro Kampung Cenderamata 2 Mulkasih Hj. Renda, pomungaranan kumointolu dilo nopo nga asil pingisaman om ponguhupan mogigion kampung potimporon koborisian om kolumison id kampung dilo.

“Pamalanan montok toun abantalan nopo nga mingisom yahai mongingkuri ginumu rinomos id kampung diti miampai potimpuun kempen kitar semula om pingisaman mongilumis do kinoyonon posorili kampung diti,” ka disio.

Sijil pomungarahan dilo pinatahak di Boyoon Bohogian Balajaran Kogumuan DBKK Lizawana Hj.Matin lumansan dii Mayor Bandaraya Kota Kinabalu Datuk Abidin Madingkir.- Dii Leolerry Lajius/Sayang Sabah.

Komen


Berita Berkaitan