Sayang Sabah Facebook

Likes
Sayang Sabah Twitter

11,664

Followers

Sayang Sabah - Portal Berita Negeri Kita

KDN aiso atag monuridong Komiti Poimbida manalasai ahal IC pilasu id Sabah

2:08pm 24/05/2016 Maryann 0 views Abal Kinoyonon,Kinoyonon,Kota Kinabalu

mykad-600x366
TAWAU:Komontirian Suang Pogun (KDN) amu po haro pamalanan do monuridong iso komiti poimbida montok manalasai ahal kad kointutunan pilasu id Sabah.

Kumoduo Montiri Suang Pogun II Masir Kujat minoboros do poingkuro po ka disio puru kikuasa potilombus pomorisaan id timpu timpu

“Gisom baino, aiso poh palan do tokou do montok dilo (monuridong komiti poimbida) nga kasasari tokou papaharo karaja maya agensi ngawi nokomoi,” ka disio kumaa maganu habar kalapas minapatahak Pingat Kedaulatan Negara (PKN) kumaa 296 tulun mamaramit Koupisan Tolungku, do hiti di konihab.

Minoboros ih Masir miagal dilo soira pinokianu mongomi pinanahanan 11 tulun songkosuaian id Johor do Koupisan Porijistaan Pogun (JPN) kawawagu ih momoguno kad kointutunan pilasu ih dinawa naanu mantad Sabah.

Daamot dilo ka disio, Koupisan Tolungku Sabah minoposurat ginumu tahanan takawas id siriba Akta Kasalaan Koumoligan (Laang-Laang Poimbida) 2012 (SOSMA) ilo nopo nga soginumu 31 tulun, ih kikotumbayaan nakaampai id kinaantakan ponoruangan id Lahad Datu om Semporna toun 2013. – BERNAMA

Apa Komen dan Pendapat Anda

Artikel Berkaitan