Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

KBS Sabah monguhup komulakan tumanud pinsingilaan

KONVOKESYEN…. Tawfiq (poingirikau id tanga) guminambar miampai graduan AJKK.– foto Ille Liyana Tugimin / Sayangsabah
KONVOKESYEN…. Tawfiq (poingirikau id tanga) guminambar miampai graduan AJKK.– foto Ille Liyana Tugimin / Sayangsabah

KOTA KINABALU – Komontirian Komulakan om Sipoot (KBS) Sabah kasasari manahak sokodung om sakadai kumaa tinimungan komulakan id pogun diti do tumanud ababayan kotundaan komulakan.

Montiri dau, Datuk Tawfiq Abu Bakar Titingan minoboros do pinsingilaan di papanahon id mogisuai-suai kaganaan dilo okon nopo ko poindalanon id Kota Kinabalu nga pohoroon nogi poimpuli pogun Sabah lolobi id kinoyonon labus kakadaian.

“Mogisuai-suai ababayan papanahon tokou, kosuang kaganaan monombir, kotombuluian om mogonsok ih papanahon do longkod pinsingilaan dii nopili porinta,” ka disio,

Minoboros isido miagal dilo id pitimungan habar kalapas minopotimpuun ababayan Konvekesyen Graduan Seni Kreatif Jahitan id Akademi Jahitan Kota Kinabalu (AJKK), hiti di konihab.

Id ababayan nokomoi, nokotindapou nogi Monunurat Tatap KBS Sabah Datuk Suzannah Liaw, Kumoduo Monunurat KBS Sabah Awang Damit Awang Anak, Potunud AJKK Alicia Lenson, Potunud Koupisan Kotundaan Komilaan Sabah om Labuan Azmi Pelah om molohing ngawi do graduan.

Tumanud di Tawfiq, komontirian disio, minapalabus lobi kurang RM2 riong monikid toun do manaja tinimungan komulakan tumanud ababayan pinsingilaan poimpuli pogun diti.

Ka disio, komulakan labus kakadaian lolobi kopio komulakan mantad paganakan di mosikin kasasari onuan pogintangan om kosiwatan do tumanud id nunu nopo ababayan KBS Sabah, montok momoruhang komilaan diolo.

“Soira haro komilaan, kaanu monguhup diolo mogihum karaja toi ko mongukab pongindopuan sondiri, potilombus popomogot koposion om papalabus paganakan diolo mantad garis komosikinan,” ka disio. – Dii NUZIR ANDI SAMSIAR / Sayangsabah

Komen


Berita Berkaitan