Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

KBBC miampai KKMM paanjur migusa mimbosikol

basikal1-600x252

KOTA BELUD: Paanjur Pigusaan Mimbosikol Jamboree Poingukab Kota Belud 2015 momorikot pikikiro 700 tutumanud, tumanud id pigusaan dilo ih pohoroon ontok tadau ko-22 tulan Kohopod om Iso abantalan.

Ababayan dilo poonjuron do Kota Belud Cycling Club (KBCC) miampai ponguhupan Komontirian Piromutan om Multimedia (KKMM) kisinodu 40 kilometre mangalap polumba mantad Semenanjung Malaysia, Brunei Darussalam om pogun labus do suai.

Ponorikohon paanjur ih ponogi Porosidin (KBCC) Mohd Mustazar Bundah minoboros do pialaan dilo pinaanjur kumoinduo nogi nopo nga iso mantad tonggungan sosial korporat do KBCC ih kituduan mongunsub mogigion kinoyonon lolobi tinimungan komulakan tumanud id ababayan olidas.

Suai ko ilo, kitujudn nogi pogirot piromutan piombolutan id tanga tutumanud om poposindak ababayan mimbosikol lolobi pigusaan di kompetitif montok popintingubas mogigion mimparagat id ababayan sipoot lolobi sipoo tmimbosikol potilombus popointutun watas Kota Belud kumaa tulun sompomogunan.

Tumanud dii Mohd Muztazar, pigusaan dilo mimpuun mantad Yayasan Suria Tuaran om opupusan id Dewan Masyarakat Tun Said Kota Belud.

Ka disio, montok poposiliu pigusaan di lobi osusa, polumba oporlu maya piro-piro kaantaban, wookon nopo nga tumakad nulu-nulu id kampung Kelawat pogulu momupus pigusaan id kakadaian Kota Belud. – Sayangsabah

Komen


Berita Berkaitan