Sayang Sabah Facebook

Likes
Sayang Sabah Twitter

11,645

Followers

Sayang Sabah - Portal Berita Negeri Kita

Kastam Sabah minomuhu lobi RM400 riong montok timpu duo tulan toun diti

12:35am 05/03/2016 Maryann 0 views Abal Kinoyonon,Kinoyonon,Tawau

kastam tawau
TAWAU: Koupisan Kastam Diraja Malaysia (JKDM) Sabah minoposurat pinuhu asil soginumu RM437,466,298.87 id suang timpu duo tulan kumoiso toun diti.

Potunud dau Datuk Dr Janathan Kandok minoboros do wookon nopo minomonu tagayo kumaa pinuhu asil dilo nga Sukai Kakamot om Porkhidmatan (GST) (Kinoyonon) soginumu RM294,474,077.20, GST (Import) (RM73,507,088.64), Duti Eksport (54,474,169.44) om Duti Import (RM6,152,662.10).

Minoboros isido miagal dilo kumaa maganu habar kalapas minopotimpuun Karaja Mongintutun nayatan watas Tawau do hiti di tadau Kaapat.

Dr Janathan minoboros karaja dilo pinotimpuun mantad tadau Koduo nakatalib montok nayatan pogun kituduan mangantob do mogindapu/premis/longkod pomolihisan ih padagang tiinumon kaauk aiso lisin.

Ka disio, gisom baino, soginumu 14 kumponi id Tawau noontok do kompaun soginumu RM70,000 sabap mogisuai suai kasalaan om 44 kadai om kumponi pinorisa id karaja dilo.

Karaja dilo nopo nga kumoinsan nogi pinapanau id koowoyoon tagayo do Koupisan Kastam miampai papaampai toinsanan sitisin Kastam id Sabah ih nokotimpuun tadau Koduo nakatalib gisom Kolimo diti. – BERNAMA

Apa Komen dan Pendapat Anda

Artikel Berkaitan