Sayang Sabah Facebook

Likes
Sayang Sabah Twitter

11,778

Followers

Sayang Sabah - Portal Berita Negeri Kita

Kastam Sabah minomuhu asil RM1.4 riong id ‘Operasi Kesan’ 2016

11:26pm 19/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

18kastam
KOTA KINABALU: Koupisan Kastam Diraja Malaysia (JKDM) Sabah minoposurat pomuhuan asil soginumu RM1.4 riong id suang ‘Operasi Kesan’ 2016 ih pinapanau poimpuli pogun Sabah mimpuun tadau ko-4 tulan Kotolu nakatalib gisom konihab.

Potunud dau Datuk Dr Janathan Kandok minoboros do pomuhuan dilo asil mantad duti kastam om titahak kompaun maya 11 kasalaan ih pinapanu do 612 kumponi ih pinorisa poompus karaja dilo.

“Wookon nopo kasalaan dilo nga id siriba Akta Eksais 1976 ilo nopo nga mongindapu mampai aiso lisin, amu pointalang lisin, mongindapu katalib timpu pinatatap om padagang tiinumon ih amu poh nabaraian sukai.

“Kasalaan suai ih nokito nopo nga id siriba Seksyen 17 (2) Akta Kastam 1967 ilo nopo nga mongimpot katalib ginumu di pinasaga, pongimpotan amu nakaanu kolulusan pongocualian, om ogumu poh,” ka disio.

Minoboros isido miagal dilo kumaa maganu habar kalapas minopotimpuun ponutuban karaja dilo do hiti di konihab.

Minoboros ih Janathan do rikoton karaja dilo nopo nta kadai pongindopuan di padagang tiinumon kaauk, longkod momoli boli, gudang poopian, kadai runcit om longkod pomolihisan om nogi kumponi ih kilisin id siriba Seksyen 14 (2) Akta Kastam 1967. – BERNAMA

Apa Komen dan Pendapat Anda

Artikel Berkaitan