Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kastam minangahau dadah RM1.710 riong

 Yunos Tahir (duo mantad gibang) popokito dadah jenis Methampetamne ih naahau. – foto Ille Tugimin

Yunos Tahir (duo mantad gibang) popokito dadah jenis Methampetamne ih naahau. – foto Ille Tugimin

KOTA KINABALU – Koupisan Kastam Diraja Malaysia (JKDM) nakalantoi minangahau dadah Methamphetamine kiwinagat 9.15 kilogram kigatang RM1.710 riong id suang duo kiis misuai id pogun diti, ih momoguno porkhidmatan paatadan barang sabagi modus operandi diolo.

Kumoduo Potunud Kastam Sabah, Bohogian Ponguatkuasa, Yunos Tahir minoboos do, montok kiis kumoiso om koduo, toinsanan dadah nokomoi pinosuang id kutak taakanon montok monipu puru kikuasa.

Tumanud disio, asil pomorisaan kastam, kutak dilo pinokirim mantad Johor kumaa id Lahad Datu maya Sandakan momoguno puru porkidmatan paatadan barang.

“Montok kiis kumoiso, naahau ilo ontok tadau ko-26 tulan Kohopod om Duo toun nakatalib om maya ruputan pomorisaan Koupisan Kimia Malaysia, minopoilo ilo nopo nga dadah Methamphetamine. Kiwinagat 4,228.8 gram miampai gatang pikikiro RM760,000.

“Kiis koduo, naahau do Kastam dadah kiwinagat 4,930.6 gram di tadau ko-1 tulan Koiso nakatalib. Gatang pikikiro RM950.000,” ka disio kumaa maganu habr id Wisma Kastam Sabah, hiti di baino.

Montok kiis kumotolu, soginumu 600 biji pil Eramin 5 kigatang pikikiro RM12,000 pinokirim mantad Pulau Pinang kumaa Sandakan, naahau puru Kastam di tadau ko-15 tulan Koiso nakatalib.

Sundung do ingkaa, kotolu-tolu kiis dilo aiso tangkapan. Kiis dilo soriukon tumanud Seksyen 36B (1) (a) Akta Dadah Berbahaya 1952. – Dii Sitti Nor Azizah Talata / SayangSabah

Komen


Berita Berkaitan