Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kastam minagahau bunga api kigatang RM268,860

Yunus Tahir (wanan) popokito do bunga api ih naahau, kikotumbayaan mantad China yang dirampas. – foto Masani Sandan
Yunus Tahir (wanan) popokito do bunga api ih naahau, kikotumbayaan mantad China yang dirampas. – foto Masani Sandan

TAWAU – Koupisan Kastam Diraja Malaysia (JKDM) raan Sabah minagahau soginumu 1,448 kutak bunga api kiwinagat 10,863 kilogram kigatang RM268,860 kosuang sukai, kikotumbayaan sinoludup mantad China, id iso gudang aiso numbur id Batu 8, Jalan Ranggu, Tawau.

Kumoduo Potunud Kastam Sabah (Monguasa), Yunus Tahir minoboros do pinagahawan dilo pinapanau ontok tadau kaapat tulan Koduo nakatalib kurang lobi jam ko 4 sosodopon kalapas minonungku gudang dilo asil kopoilaan tulun ginumuan.

Tumanud disio, is tinimungan upisor om puru mantad Bohogian Monguasa minonugku gudang ih poinlisok kopio id pomutanaman piasau mamau kalapas minandad somok sanjaam id kinoyonon dilo.

“Minandad tokou montok mongintong nung sanganu gudang dilo rumikot mongukab gudang zink nga amu nakalantoi no tohuri nopo pinutul o kindadu montok mongukab gudang zink dilo,” ka disio kumaa maganu khabar id Tupis JKDM Tawau, hiti.

Ka disio, kakamot dilo kikotumbayaan montok padagangon kinoyonon kopihondot karamaian Toun Wagu Sina om JKDM mamaso monoriuk om mongintutun sanganu tana om gudang nokomoi montok soriukon. – Dii Masani Sandan / SayangSabah

Komen


Berita Berkaitan