Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kastam manahak sokodung poimponu kumaa Esscom

ESSCOM

LAHAD DATU: Koupisan Kastam Diraja Malaysia (JKDM) manahak ponguhupan poimponu kumaa puru Kinoyonon Koumoligan Poimbida Tisan Kosilahon Sabah (Esscom) montok monoibau ponoludupan id Zon Atampasi Kosilahon Sabah (Esszone).

Boyoon Potunud Kastam Datuk Seri Khazali Ahmad minoboros do laang dilo kopiagal rikoton do koupisan nokomoi ih mingisom mongingkuri ponoludupan id pogun diti kosuang id Esszone.

“Ahal ponoludupan okon ko osinang salasaion do id pogun di nokoburu miagal England ih haro komudahan pogintong di asanggih nga kakal aantakan ponoludupan.

“Koupisan Kastam do misosondiri amu kaanu manalassai ponoludupan. Maganu yahai sokodung mantad toinsanan puru lolobi Esscom.

“Sabap dilo, minongoi yahai do hiti (longkod tupis Esscom) montok mokinongou kointalangan om mogiboboros poingkuro popoingkawas karaja rondaan miampai id kowoigan Esszone,” ka disio.

Minoboros isido miagal dilo id boboroson kalapas minokinongou kointalangna karait tongggungan do Esscom ih pinolombus di Monguhupp Boyoon Staf Ponoriukan Esscom Supt Che Aris Bakar.

Nokotindapou nogi ih Boyoon Tupisor Eksekutif Esscom Ruji Ubi, Kumoduo Komander Esscom Brig Jen Datuk Md Rahim Mohamad om tupisor wanan Esscom.

Daamot dilo minapaatag nogi ih Md Rahim mooi Esscom om JKDM kaanu mongintutun karalanon tosonong kosuang karaja miampai manangod ponoludupan id Esszone. – BERNAMA

Komen


Berita Berkaitan