Sayang Sabah Facebook

Likes
Sayang Sabah Twitter

11,800

Followers

Sayang Sabah - Portal Berita Negeri Kita

Kasalaan momoguno Media Sosial

5:45pm 26/01/2016 Maryann 2 views Abal Kinoyonon,Kinoyonon,Kota Kinabalu

FITNAHSABAH-600x350
Modidikot Songkosuaian Aiso Kasagaan (PATI) rinikot id pogun diti montok mogihum kousinan. Pogulu diti, momoguno yolo dokumen toi ko surat pointopot sumuang id pogun diti.

Nga haro aantakan, nopupusan noh timpu surat kasagaan dilo, nouuh notutudan do tinomod toi ko amu di ‘puru pointantu’, sabap dilo, nosiliu yolo modidikot songkosuaian aiso surat kasagaan.

Pinoungaran yolo sabaagi PATI. Miming kaakun do haro nogi PATI nosiliu tulun taraat miagal mininimbit om manakau sabap asansagan koposion.

Om haro nogi ih nosiliu pongidar dadah om panagih. Kowowoyoon miagal dilo okon nopo ko naantakan id tanga PATI nga tulun kinoyonon nakaampai id koulalahon miagal dilo.

Miagal nogi dilo id ahal kasala momoguno media sosial id tanga mogigion rayat pogun diti sabap ginawo diolo ‘oitom’ miampai kinaraaton gisom amu kaanu popisuai nunu ih habar pointopot om habar pongungudut.

Suai koi lo, haro nogi id tanga diolo ih patayad habar pilasu montok tuduan politik miagal dii laang “Red Bean Army” cybertrooper pati DAP.

Suai koi lo, laang piro-piro portal poimbida montok papatayad do pongindaraaton om pongudutan miagal Sarawak Reports, Malaysiakini, The Malaysian Insider om Free Malaysia Today, ruputan id portal dilo momirulong.

Montiri Piromutan om Multimedia Datuk Seri Salleh Said Keruak ih aparagat id media sosial mantad nokoimbulai internet id pogun diti koilo kopio nunu ih oporlu montok pogun diti.

Minoboros isido do, media sosial apatut gunoon montok koinsonongon. Sabap dilo montok monungolig mogigion di ‘oborisi’ mantad di ‘pangotor’ ilo nopo nga ih kasala momoguno media sosial, ilo mositi antaban. – Sumber Anti-Fitnah Sabah

Apa Komen dan Pendapat Anda

Artikel Berkaitan