Sayang Sabah Facebook

Likes
Sayang Sabah Twitter

11,695

Followers

Sayang Sabah - Portal Berita Negeri Kita

Karani dinawa momoguno tusin kumponi

9:48pm 09/03/2016 Maryann 0 views Abal Kinoyonon,Kinoyonon,Kota Kinabalu

mahkamah
KOTA KINABALU: Songulun karani iso kumponi dinawa id Kuut Majistret, do hiti di baino sabap kasalaan momoguno tusin kumponi soginumu RM17,111 montok kogunoon sondiri.

Chen Li Foon, 37, id toguang dii Majistret Jessica Ombou Kakayun, dinawa minomonsoi kasalaan dilo id kumponi Kolombong, Penampang, jam 8.30 kosuabon, id piintangaan ko-11 tulan Kohopod om Duo 2012 gisom ko-3 tulan Kotolu 2014.

Sokiro oilaan nakasala, aanu hukumon id siriba Seksyen 403 Kanun Keseksaan ih poontok tolungku limo toun om oontok do danda.

Kuut minapatatap tadau ko-30 tulan Kotolu abantalan montok pongurusan do kiis om Chen pinagabas miampai jominan RM3,800 duo tulun mamajamin kinoyonon. – Dii Elezebeth Esther/ SayangSabah

Apa Komen dan Pendapat Anda

Artikel Berkaitan