Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Karamaian Toun Wagu Sina ramaion toinsanan mogigion mogisuai-suai tinaru

Mantad sawat kumaa gibang: Martin Chong, Norhayati Abdullah, Noor Adrianna Richard, Fong Man Bin, Yussof Ismail. Id siriba mantad gibang: Chung Tai Chuin, Narti Kasban, Siti Nursuria Jessamin, Yong Fook Min, Mohd Nor Pasau.
Mantad sawat kumaa gibang: Martin Chong, Norhayati Abdullah, Noor Adrianna Richard, Fong Man Bin, Yussof Ismail.
Id siriba mantad gibang: Chung Tai Chuin, Narti Kasban, Siti Nursuria Jessamin, Yong Fook Min, Mohd Nor Pasau.

KOTA KINABALU: Karamaian Toun Wagu Sina ontok tadau ko-19 tulan Koduo diti amu noh alaid mantad baino, okon nopo ko ramaion mogigion do Sina nga kaampai nogi tinaru suai id pogun diti.

Montok tinaru do Sina, toun baino nopo nga Toun Kambing om agayo rati kumaa diolo.

Tumanud songulun mogindapu, Noor Adrianna Richard, 20, mulong do amu isido mamaramai do Toun Wagu Sina nga ogumu tambalut dau tinaru Sina ih mangalap mongoi ramai id walai diolo.

“Miagal nogi do karamaian do suai, soira orikot o Karamaian Toun Wagu Sina, ogumu nogi papaharo walai poingukab omm rikoton mogisuai-suai tinaru om ugama.

“Iti popokito oulud o koposion tulun tokou, mamantang om haro pirotian tiso om tiso,” ka disio kumaa Sayang Sabah.

Daamot dilo Narti Kasban, 39, minoboros do ogumu tambalut dau mangalap disio mongoi id walai poingukab Toun Wagu Sina.

“Id timpu koundarangan diti, maganu oku kosiwatan do mongoi tombului tambalut ngawi di mamaramai do karamaian diti,” ka disio.
Montok di Siti Norsuria Jessamin, 19, mogigion pogun diti apatut oondos om mongunsikou sabap kaanu mamaramit toinsanan karamaian miampai kowowoyoon di osonong.

Yong Fook Min, 42, minoboros do, mamaramai isido Toun Wagu Sina monikid toun miampai paganakan, tobpinai om tambalut ngawi.

“Amu tagal do lohowon iyolo sabap, oilaan monikid toun haro walai poingukab,” ka disio.

Kukumaraja swasta, Fong Man Bin, 26, minoboros do sabagi rayat Malaysia, tinaru om ugama okon ko pangantob do popogirot piombolutan kumaa tinaru do suai.

“Miagal nogi di suai soira orikot o karamaian Toun Wagu Sina, papanaro yahai walai poingukab om otood ginawo ku sabap toinsanan tambalut ku di okon ko sina nga rumikot id walai dahai mongoi ambalut om mamaramai karamaian diti,” ka disio. – Sukri Sarin/ SayangSabah

Komen


Berita Berkaitan