Sayang Sabah Facebook

Likes
Sayang Sabah Twitter

11,679

Followers

Sayang Sabah - Portal Berita Negeri Kita

Karamaian Soni Bambu 2015 ko-24 tulan Kohopod om Iso

12:40am 16/11/2015 Maryann 1 views Abal Kinoyonon,Kinoyonon,Kota Kinabalu

tamparuli 2
TAMPARULI: Poring sabaagi kakamot koubasanan di nointutunan id pogun diti poingkawason kogunoon maya Karamaian toi ko Festival Soni Bambu ih pikikiro pohoroon duo tadau mimpuun tadau ko-24 tulan Kohopod om Iso diti.

Hontolon do ababayan diti nopo nga montok momiara, popointutun om potunda do poring ih nosiliu iso kagayat tutumombului id pogun diti.

“Miuhup yahai miampai piro-piro agensi porinta do papanau ababayan diti kumaa nayatan lobi takawas,” ka di Kumoduo Ponorikohon Ababayan Festival Seni Bambu, Stanley Missun kumaa maganu habar id Rumah Terbalik, do hiti di kawawagu.

Ababayan tagayo montok karamaian diti nopo nga pokikitanan poimbida mantad Taiwan, ilo nopo nga Tinimungan Soni Sayau Yuanlin.

Tutumombului nga kaanu nogi kosiwatan tumombului kinoyonon kagayat id watas diti ontok tadau koiso ababayan nokomoi.

“Puru paanjur nga posodia piro-piro pokikitanan solinaid 30 minit id onom kinoyonon ih nosiliu pamagayat tutumombului id watas diti,’ ka disio.

Wookon nopo kinoyonon dilo nga Chantek Borneo Gallery, Rumah Terbalik, Tenghilan Pedestrian Underpass, Dewan Tun Hamdan,MJ Cafe, om Riverside Cafe. – Elezebeth Esther/ Sayangsabah

Apa Komen dan Pendapat Anda

Artikel Berkaitan