Sayang Sabah Facebook

Likes
Sayang Sabah Twitter

11,809

Followers

Sayang Sabah - Portal Berita Negeri Kita

Karamaian Maulidur Rasul impohon piuludan ummah

11:56pm 09/01/2016 Maryann 0 views Abal Kinoyonon,Kinoyonon,Tawau

maulidurasul taawu
TAWAU: Karamaian Maulidur Rasul apatut silihon do impohon palabus kopurimanan karait kosuulon pogirot piuludan om pirotian id tanga tulun Islam, suai ko kosiliu manifestasi id suang popokito koupuson kumaa junjungan mulia id toinsanan ahal kowowoyoon baginda di tosonong kopio.

Montiri Komulakan om Sipoot Datuk Tawfiq Abu Bakar Titingan minoboros do pibabakan id tanga tulun Islam ih naantakan do babaino diti id sompomogunan toi ko id suang pogun, okon nopo ko momorugi nga tadon ugama suai amu modosi pomorintahann toiso-iso pogun Islam.

Ka disio, ogumu kobolihangkangan di nokoimbulai om naantakan id tanga umuat Islam do babaino diti sabap amu yolo momit porjuangan om kopomuruanan di nigitan dii Rasulullah S.A.W.

Sabap dilo, pinokianu disio toinsanan tulun Islam do mingkakat potilombus porjuangan pointopot om po transformasi tinan mamagampot hontolon kalantaian id pogun om akhirat tumanus garis kotonudan di nigitan di junjungan tagayo Nabi Muhammad S.A.W.

Id ababayan dolo, nokotindapou nogi Monguhup Moniri Kumaa Boyoon Montiri Datuk Mohd Ariffin Mohd Arif, Monguhup Montiri Kotundaan Tadon om Komogoton Tiknologi Kointalangan Datuk Hamisa Samat, Puru Walai Koundangan Pogun Kinoyonon Sebatik, Datuk Abdul Muis Picho om Porosidin Kounsil Kakadaian Tawau, Datuk Ismail Mayakob. – Sayangsabah

Apa Komen dan Pendapat Anda

Artikel Berkaitan