Sayang Sabah Facebook

Likes
Sayang Sabah Twitter

11,668

Followers

Sayang Sabah - Portal Berita Negeri Kita

Karamaian Maulidur Rasul id Sipitang

4:51pm 27/12/2015 Maryann 1 views Abal Kinoyonon,Kinoyonon,Kota Kinabalu

nabawan 24SIPITANG: Yang di-Pertua Pogun Sabah, Tun Dr Haji Juhar Haji Mahiruddin om sawo disio, Toh Puan Hajah Norlidah R.M Jasni miampai 10 noribu tulun Islam tinanud id Ababayan Perarakan Maulidur Rasul SAW nayatan pogun 1437H/2015M.

Soginumu 65 kontinjen nakatanud id pialaan Perarakan Sepanduk, Kontinjen Goos Tosonong om Kontinjen Goos Togumu mamanau id Padang Hospital gisom id GATA Square nokotimpuun jam 7.30 kosuabon tadau Kaapat.

Nokotindapou nogi ih Boyoon Montiri Sabah, Datuk Seri Panglima Musa Aman; Speaker Walai Koundangan Pogun, Datuk Syed Atas Syed Ali; Monunurat Porinta Pogun, Monguhup Montiri kumaa Boyoon Montiri ih ponogi Ponorikohon Komiti Tagayo Kounsil Pitimungan Maulidur Rasul Nayatan Pogun, Datuk Mohd Arifin Mohd Arif; Puru Parlimen, Datuk Sapawi Ahmad; Monguhup Montiri Kotombuluian, Koubasanan om Ahal Posorili, Datuk Kamarlin Ombi om Puru Walai Koundangan Pogun Sindumin, Datuk Ahmad Bujang.

Id ababayan dilo Tun Juhar minapatahak Tutungkap Poimbida kumaa Allahyarham Datuk Masood Salleh om bagas Puru Lombaga Potunud SAFMA Sabah, Puru Lombaga Potunud Sawit Kinabalu om Puru Lombaga Potunud Inno Fisheries Negeri Sabah.

Allahyarham linansan di tanak kusai dai minogowit minuli RM7,500 toluod mantad Kounsil Ugama Islam Sabah (MUIS), pongitanan mantad Komiti Papanau Watas om surat pamagatangan mantad Porinta Pogun. – Penerangan

Apa Komen dan Pendapat Anda

Artikel Berkaitan