Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Karalanon kawawagu monguyas kolikongon LPG id Pulou Sebatik

tong gas
TAWAU: Komontirian Pidagangan Suang Pogun, Koporasi om Kopongunaan (KPDNKK) pinokianu mooi monorisid kawagu karalanon di pinointutun montok monoibau ahal kolikongon gas petroleum cecair (LPG) kumaa Pulou Sebatik miagal di pinoilo di kawawagu.

Puru Walai Koundangan Pogun Sebatik Datuk Abdul Muis Picho minoboros do karalanon dilo oporlu soriukon kawagu sasabap haro piro-piro ahal kosuang poimbulai kobolihangkangan kumaa kukumaraja swasta tulun songkosuaian ih haro dokumen pointopot id pulou dilo montok momoli do tong gas.

“Miagal di noilaan tokou do ogumu kukumaraja songkosuaian ih haro dokumen pointopot pakaraja id kinoyonon pulou Sebatik.

“Haro apat kumponi swasta miampai rinibuan kukumaraja … sabap dilo posiliu kobolihangkangan sokiro iyolo (kukumaraja songkosuaian) amu nodii pasagaon momoli LPG miagal di pinoumum do KPDNKK di kawawagu,” ka disio.

Di kawawagu Boyoon Monunurat KPDNKK Datuk Seri Alias Ahmad minopoilo do piro-piro karalanon kawawagu montok monguyas ahal kolikongon padagangan tong gas id pulou Sebatik, kosuang nogi poontok do syarat do tulun mamasok om haro kad kad mogigion tatap (PR) pasagaon momoli tong gas dilo mimpuun tadau ko-1 tulan Kohopod om Duo abantalan. – BERNAMA

Komen


Berita Berkaitan