Sayang Sabah Facebook

Likes
Sayang Sabah Twitter

11,649

Followers

Sayang Sabah - Portal Berita Negeri Kita

Karaja SAR kru kapal naratu id rahat pinotilombus

1:37pm 16/02/2016 Maryann 3 views Abal Kinoyonon,Berita Pilihan,Kinoyonon,Kota Kinabalu

hilang-600x366
KUALA TERENGGANU: Karaja mogihum om manampasi (SAR) songulun kru kapal ‘FMSUV FOS LEO’ ih naratu id rahat pinotilombus kosuabon baino.

Maya kointalangan habar Bohogian Piromutan Kogumuan Wilayah Maritim Timur (WILTIM) Puru Monguatkuasa Maritim Malaysia (APMM) tadau biano, pingisaman do SAR kumaa dii Sudarmin Aminuddin, 31 ih nokotimpuun mantad podii duo tadau nakatalib tiningkadan jam 7 totuong kosodop.

Sudarmin mantad Tawau, Sabah, binoros mamaso papanau pingludaan manampasi “Fast Rescue Force” id sakai kapal dilo pogulu naratu.

Suai koi lo, kointalangan dilo minoboros do iso kapal “MV Setiawangsa” (Kumponi Lunding Malaysia) ih mogowit Padsakaian Kawalan Tosodu (ROV) minooi id kinoyonon om pikikiro korikot jam 6 kosuabon diti.

“Ontok tadau ko-14 tulan Koduo 2016 jam 2.10 sosodopon, Maritime Rescue Command Centre (MRCC) nakaramit kumpilin karait songulun kru ‘Floating Production Storage Off Loading Vessel (FPSO)’ mantad kapal “FMSUV FOS LEO” naratu id rahat.

“Kinoyonon kinaantakan id palantar tumai Bertam lobi kurang 86.7 batu nautika (BN) mantad Tanjung Berhala, Kemaman om 5BN mantad piolitan kowoigan pogun. Rinomut do MRCC o Maritime Rescue Sub Centre Kuantan (MRSC) jam 2.17 sosodopon om minopoilo kinaantakan dilo.

“Puru kapal FMSUV FOS LEO nga minapapanau nogi karaja mogihum om manampasi miampai momoguno bot koumoligan nga amu nabantalan,” ka disio.

Tumanud Potunud Maritim Wilayah Timur, Laksamana Pertama Maritim Datuk Mamu Said Alee, karaja dilo pinotimpuun mantad tadau ko-14 tulan Koduo 2016 pukul 3.30 sosodopon om Wilayah Maritim Timur (WILTIM) minonuhu kapal KM Redang mooi id kinaantakan miampai turu kukumaau Susumangod Rahat Diraja Malaysia (TLDM) binuruan songulun tupisor mantad Tanjung Gelang, Kuantan.

“Mamaso kinaantakan, kowowoyoon do rahat miampai lakun 1 gisom 1.5 meter om tongus 20 gisom 30 kilometer sanjaam. Puru TLDM Tanjung Gelang nga minoposunud do minonuhu kapal KD Gempita kumaa id tampat kinaantakan montok manahak ponguhupan karaja SAR. – BERNAMA

Apa Komen dan Pendapat Anda

Artikel Berkaitan