Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Karaja potilombus momunso PATI

pti1-600x366

TAWAU – Karaja potilombus montok momunso modidikot songkosuaian aiso kasagaan (PATI) lolobi id kinoyonon di nointutunan sabagi kinoyonon diolo mangan potilombuso dii puuru ngawi monguasa id watas diti.
Boyoon Pulis Watas Asisten Komisioner Awang Besar Dullah minoboros do karaja miagal dilo nga manahak ponumpuan do mogintong sanganu kumponi om puru suai dii popolisok om mamagaji do PATI om nogi poposiwa walai diolo kumaa PATI.
“Oilaan tokou do minongoi iyolo id watas diti sabap mogihum karaja om haro kogoitan koobpinaian do hiti, sabap dilo tadau baino tangkapon tokou om duo tadau kalapas dii gumuli kawagu iyolo do hiti,’ ka disio.
Minoboros isido miagal dilo id mitingan poimponu Kounsil Kakadaian Tawau (MPT), hiti di konihab.
Ka disio, faktor do mogihum karaja om haro kogoitan koobpinaian papasabap kiis kassalaan ih winonsoi do modidikot aiso kasagaan lobi osiriba sokiro piagalon dilo mogigion kinoyonon.
Amu nogi ih Awang Besar minongolim do koporluan asas dii osukup kosuang sambungan do waig om lotirik aiso kasagaan id konoyonon PATI nga iso faktor ponyumbang ahal diti osusa manalasai. – Dii Masani Sandan / SayangSabah

Komen


Berita Berkaitan