Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Karaja Monunurat Porinta Pogun Sabah Sukarti Wakiman noputan sontoun poh

sukarti-600x367
KOTA KINABALU, 8 Jan : Karaja Monunurat Porinta Pogun Sabah Tan Sri Sukarti Wakiman noputan solinaid sontoun poh kawagu mimpuun di tadau ko-9 tulan Koiso nakatalib, ka di Boyoon Montiri Sabah Datuk Seri Musa Aman.
“Mantad pangalaman om karaja dit osonong disio id karaja porinta pogun Sabah, porinta pogun nokotumboyo do potilombus toi ko mongoput timpu karaja disio,” ka disio id kointalangan.
Sukarti, 61, pinili sabagi monunurat porinta pogun di tadau ko-3 tulan Koturu 2007 minongolon dii Datuk K.Y. Mustafa ih nokopinsin di tadau ko-2 tulan Koturu 2007.
Pogulu diti, nokoigit isido ningkokoton Potunud Porkhidmatan Awam Pogun pogulu pinili sabagi moonunurat porinta pogun om nokoumbal nogi migit ningkokoton do suai kosuang Tupisor Molohingon id Koupisan Kotundaan Pogun, Tupisor Istiadat om Protokol id Koupisan Boyoon Montiri om Monunurat Sulit kumaa bagas Yang Dipertua Pogun Sabah Tun Said Keruak.
Minoboros nogi ih Musa do porinta pogun nokotumboyo potilombus karaja di Datuk Abidin Madingkir sabagi Mayor Kota Kinabalu solinaid sontoun mimpuun tadau ko-2 tulan Koduo diti.
Abidin, 60, minongigit ningkokoton dilo mantad podii tadau ko-31 tulan Koiso 2011. — BERNAMA

Komen


Berita Berkaitan