Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Karaja momunso susuap id tanga puru monguasa id Esszone

esszone1

PITAS – Kinoyonon Koumoligan Poimbida Tisan Kosilahon Sabah (ESSCOM) miampai ponguhupan Suruhanjaya Pangantaban Susuap Malaysia (SPRM) papanau karaja tagayo montok momunso kobolihangkangan integriti id tanga kukumaraja porinta lolobi i pakaraja id bohogian monguasa id Zon Atampasi Kosilahon Sabah (ESSZONE).

Kumoduo Potunud Porisikan ESSCOM, ACP Hashim Justin minoboros do puru disio mogintong kopio kobolihangkangan dilo om mingisom popoidu kukumaraja porinta bohogian monguasa id ESSZONE mantad kobolihangkangan integriti.

“ESSCOM do babaino diti kotoguang duo ancaman kotungoligan, ilo nopo nga ancaman mantad labus om mantad suang.

“Ancaman mantad suang okon nopo ko id tanga modidikot songkosuaian aiso kasagaan (PATI) ih nosiliu tali barut tulun taraat dumarapas piolitan nga sangod mantad kukumaraja porinta (monguatkuasa) ih kaampai susuap papasanang kosoruangan PATI om karaja monoludup id ESSZONE,” ka disio.

Minoboros isido miagal idlo soira mianahak panambarasan karait koumoligan id ababayan mongukab puasa pinaanjur do ESSCOM id Masjid Pangiran Haji Abdul Karim, Kampung Kalumpang somok hiti di konihab.

Nokorikot nogi ih Boyoon Tupisor Eksekutif ESSCOM, Ruji Ubi om Potunud Longkod Operasi ESSCOM, Brig Jen Dato’ Tuan Roslan Tuan Ismail.

Minoboros ih Hashim doo ahal dilo noigitan om nopibarasan noh id nayatan takawas om ESSCOM miampai SPRM nakasaga do papanau karaja dilo.

“Miagal di noilaan tokou, tumanud kiis nakatalib, ogumu modidikot songkosuaian aiso kasagaan lumisok lisok sumuang id pogun diti maya ESSZONE om potilombus kaanu kad kointutunan MyKad sabap nuhupan dilo kukumaraja porinta ih karamit susuap,” ka disio. – BERNAMA

Komen


Berita Berkaitan