Sayang Sabah Facebook

Likes
Sayang Sabah Twitter

11,658

Followers

Sayang Sabah - Portal Berita Negeri Kita

Karaja momunso kaantakan panangayan okon ko osinang: Potunud SASSREC UMS

12:16am 05/04/2016 Maryann 0 views Abal Kinoyonon,Kinoyonon,Kota Kinabalu

esscom-600x450
KOTA KINABALU : Pingisaman do momunso poimponu karaja panangayan om kasalaan tawagat dumarapas piolitan id kinoyonon kowoigan Sulu Zone (Laut Sulu), kosuang id kinoyonon kowoigan Malaysia, nopo nga okon ko kakraja dii osinang, ka di Potunud Longkod Ponoriukan Strategik om Koumoligan (SASSREC), Universiti Malaysia Sabah (UMS) Dr Zaini Othman.

Ka disio, iti sabap karaja panangayan om kasalaan tawagat id kinoyonon kowoigan dilo okon ko ahal kawawagu nga naantakan mantad koporintaan Kesultanan Sulu om empayar Brunei poh sabap kinoyonon dilo nopo nga id piintangaan wayaan pidagangan tagayo id piolitan do kosilahon om Eropah.

“Mantad susuyan, id kinoyonon di pinungaranan do ‘Sulu Zone’, panangayan okon ko ahal di kawawagu. Iti nopo nga miagal iso ‘pongindopuan’ id timpu Kesultanan Sulu om empayar Brunei sabap Sulu Zone diti nopo nga kinoyonon pidagangan ih popiruba padagang-padagang mantad China, Eropah om suai poh.

“Sokiro intangan tokou, ih tokou nopo kopio nga kotoguang dilo porubahan karalanon mononongoi. Iyolo nga nokomogot noh kopiagal dilo komogoton tiknologi, om kopiagal dilo respons dii naanu puru kikuasa. Soira puru kikuasa pogirot ponguatkuasaan, iyolo nga maganu laang montok lumipantai pangantaban dilo,” ka disio kumaa Bernama.

Minoboros ih Dr Zaini miagal dilo sabaagi mongulas kinaantakan panangayan apat rayat Malaysia id kinoyonon kowoigan Pulou Ligitan, pikikiro jam 6.15 sosodopon tadau Kolimo nakatalib. – BERNAMA

Apa Komen dan Pendapat Anda

Artikel Berkaitan