Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Karaja momohuyas o walai sotingan id Tawau pinourut

tawau-600x366
TAWAU: Karaja momohuyas pikikiro 30 walai sotingan id Airport Lama do Kounsil Kakadaian Tawau (MPT) do hiti di konihab, pinourut montok daamot sasabap bantahan mantad mogigion nokomoi.

Mamaso karaja dilo pinapanau do puru kikuasa, naantakan kowowoyoon amu songkuro osonong soira mogigion kampung mumbal mangantob do misin di ginuno momohuyas walai dilo.

Porosidin MPT Alijus Sipil minoboros do puru dau minapalabus piro-piro nohh notis pogoduhan momonsoi walai id kinoyonon dilo kosuang manahak walai porojik pomuwalaian rayat (PPR) id Semarak kumaa sombohogian mogigion nakaampai.

Ka disio laang momohuyas do walai id kinoyonoon dilo tatap potilombuson kalapas mitingan miampai koupisan do suai di nakaampai montok mogihum do ralan panalasaian tosonoong.

“MPT amu tagal mokianu kasagaan mantad kuut montok laang momohuyas do walai aiso kasagaan id watas diti sabap MPT haro kuasa poimbida momohuyas do pomulaian aiso kasagaan,” ka disio soira rinomut do hiti di konihab.

Daamot dilo, Boyoon Pulis Watas Tawau ACP Fadil Marsus alansan mogigion kampung di nakaampai om puru MPT kaanu manalasai ahal dilo miampai ososonong miampai amu kopoimbulai nunu-nunu kobolihangkangan. – BERNAMA

Komen


Berita Berkaitan