Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Karaja Miuhup Poimbida momorisi Lahad Datu mantad PATI

ess-600x450
LAHAD DATU – Soginumu 52 tulun kikotumbayaan modidikot songkosuaian aiso kasagaan (PATI) tinahan id Karaja Miuhup Poimbida ih pinapanau Kinoyonon Kotungoligan Poimbida Tisan Kolisahon Sabah (Esscom) om Bohogian Monguasa Tupis Watas Lahad Datu, id posorili kakadaian diti di konihab.
Monunurat Porinta Pogun Tan Sri Sukarti Wakiman minoboros do karaja di nokotimpuuun mantad jaam ko-9.30 kosuabon dilo natanud mogisuai-suai agensi pogun om longkod kihontolon do momorisi longkod kakadaian Lahad Datu mantad PATI.
“Toinsanan diolo di tinahan kosuang nogi 42 kusai om 10 tondu, nigitan kuminaa id Dewan Tun Mustapha Lahad Datu om patahakon kumaa Koupisan Imigresen om nogi Koupisan Porijistaan Pogun montok poriason om potilombus laang pongugadan,” ka disio id iso kointalangan hiti di konhihab.
Nakaampai id karaja miuhup dilo nopo nga Kumoduo Komander ESSCom, Brig Jen Subari Tomo, Boyoon Staf Tinimungan Gerakan Khas (PGK) ESSCom, SAC Mohammad Ismail om Tupisor Watas Lahad Datu Iman Ali.
Apat tadau di nakatalib, karaja miagal dilo pinapanau id kinoyonon dilo nogi i popokito soginumu 16 tulun PATI tinahan.

Komen


Berita Berkaitan