Sayang Sabah Facebook

Likes
Sayang Sabah Twitter

11,787

Followers

Sayang Sabah - Portal Berita Negeri Kita

Kapal Sangod Susumangod Rahat Amerika Syarikat id pangkalan TLDM

11:32am 17/03/2016 Maryann 0 views Abal Kinoyonon,Kinoyonon,Kota Kinabalu

kapal
KOTA KINABALU: Kapal Sangod Susumangod Rahat Amerika Syarikat ilo nopo nga USS CHANCELLORSVILLE (CG 62) sinuang id jeti karaja Pangkalan Susumangod Rahat Diraja Malaysia Kota Kinabalu (PTKK) di konihab montok lumobu gisom ko-21 tulan Kotolu diti.

Tuduan kotombuluian do kapal USS CHANCELLORSVILLE (CG 62) id pangkalan TLDM diti nopo nga montok tombului karaja solinaid onom tadau.

Tupisor Momorinta USS CHANCELLORSVILLE (CG 62) Kapten Curt Renshaw minoboros do kotombuluian diti nopo nga iso laang montok popogirot piromutan id tanga koduo-duo puru ih papanau mogisuai-suai ababayan.

“Tombului diti kituduan pogirot piromutan koduo-duo puru om nogi sabaagi kosiwaatan dahai do mundoorong daamot.”

“Poompus timpu do hiti, papanau yahai karaja khidmat mogigion id walai tana kaiso molohing om papanau piro-piro ababayan miampai puru TLDM,” ka disio kumaa maganu habar id pangkalan TLDM, do hiti di konihab.

Ka disio, kapal dilo haro 350 tulun puru om nosukupan mogisuai-suai kakamot sindata. – SayangSabah

Apa Komen dan Pendapat Anda

Artikel Berkaitan