Sayang Sabah Facebook

Likes
Sayang Sabah Twitter

11,655

Followers

Sayang Sabah - Portal Berita Negeri Kita

Kalantaian kotimpuun mantad siriba: Masidi

12:02am 21/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

20masidi
KOTA KINABALU: “Montok mamagampot kalantaian, mositi tokou mimpuun mantad siriba om minsingilo sabaagi tiigitan tokou mongigit ningkokoton sabaagi puru takawas insan tadau,” ka di Montiri Kotombuluian om Koubasanan om Ahal Misorili Datuk Masidi Manjun.

Minoboros isido miagal dilo soira minanahak boboroson id ababayan manain pirotian id pialatan Ascot Academy om Malaysian Association of Tour and Travel Agent (MATTA), do hiti di konihab.

“Pogulu kosilu songulun pongurus, mositi tokou posodia tinan tokou miampi toilaan om lobi osonong mimpuun tokou mantad siriba mooi koilo tokou kowowoyoon pointopot id nayatan siriba soira kosiliu tokou do pongurus,” ka disio.

Rinayou noggin disio pingisaman do puru MATTA om Ascot Academy minopoindalan piromutan piuhupan sabap do babaino diti ogumu longkod di posodia kaganaan di miagal nga soira kopupus o susumikul balajaran diolo tohuri tadau, osusa maganu karaja.

“Pirotian miagal diti iso impohon tosonong montok manahak pogintangan pointopot toinsanan susumikul kaanu karaja kalapas momupus balajaran diolo.

“Nosunudan oku do 80 pihatus mantad susumikul ih tinanud pinsingilaan id Ascot Academy nakaanu karaja om iti nopo nga kokitanan tosonong popokito kalantaian do Ascot Academy,” ka disio. – SayangSabah

Apa Komen dan Pendapat Anda

Artikel Berkaitan