Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kalansanan sakadai luyud potikidon lobi osopung

IVY MURANG
IVY MURANG

SINDUMIN – Lumansan o mogigion id watas diti ih nohompitan do luyud moi nunu nopo sakadai ih patahakon kumaa mogigion naantakan do luyud montok papagaan tonggungan diolo mangan potikido lobi tosopung.

Iyolo ih rinuba SayangSabah kiboros do, sakadai lolobi kopio koporluan monikid tadau miagal taakanon oponting osusa kopio ihumon id lumuyud.

Mogigion mantad Kampung Tanjung Lipis, Ivy Murang, 41, minoboros do, kinoyonon dau mimang asaru oluyudan nga do babaino diti lobi noindamaan om ogumu kakamot id walai naraag noontok do luyud.

Ka disio, parabut, elektronik om dapur nga noindamaan naraag, kosuang kayu ih wagu poh noboli montok gunoon monginsonong walai dau nga norulun. Toinsanan korugian pikikiro RM12,000.

“Alansan nogi yahai moi puru kitonggungan poposikap panahakan sakadai kumaa mogigion lolobi ih mosikin,” ka disio.

Soni Abdul Rahman
Soni Abdul Rahman

Soni Abdul Rahman, 56, minoboros do ounsikou ginawo dau sabap nakaanu sakadai mantad porinta. “sokuri-kuri kaanu ilo papagaan kosusaan dahai sampaganakan id mamaso diti”.

“Milo nopo daa nga mokianu daa yahai kumaa porinta moi posodia do parau montok mogigion kampung Kawang ih kiharo soginumu 25 paganakan. Osonong daa ndo montok gunoon dahai mamanau mundaliu soira lumuyud.” ka disio.

Ka di Soni, sasabap do luyud dilo, paganakan dau norugi pikikiro RM600.

LISA LABU
LISA LABU

Daamot dilo Lisa Labau, 58, minoboros do, apatut o rayat mongunsikou sabap pingisaman do porinta poposodia mogisuai suai ponguhupan kumaa mogigion dii naantakan do luyud.

“Pounsikou kumaa porinta Barisan Nasional sabap kasasari papanau karaja osonong kumaa rayat lolobi id labus kakadaian om sakadai dii naramit dahai tadau baino popokito kosianan do porinta kumaA toinsanan rayat,” ka disio. – Dii Sitti Nor Azizah Talata / SayangSabah

Komen


Berita Berkaitan