Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kakal haro momuruan sunsud id Esszone amu poruput PATI

EssCom

SANDAKAN: Kakal haro boyoon kampung om ponorikohon komiti kotungoligan om komogoton kampung (JKKK) amu poruput korikatan modidikot songkosuaian aiso kasagaan (PATI) id kinoyonon diolo sundung insaru noh nosunudan do poruput.

Sabap dilo Kinoyonon Koumoligan Poimbida Tisan Kosilahon Sabah (Esscom) mingisom do monoriuk nunu kopio tadon sombohogian momuruan mogigion nayatan sunsud id on Atampasi Kosilahon Sabah (ESSZONE).

Kumoduo Potunud Porisikan Esscom ACP Hashim Justin minoboros do kosuul o laang dilo montok papasanang diolo mogintong koumoligan montok momorisi Esszone mantad PATI.

“Puru Esscom minapaharo ginumu pirubaan miampai mogigion Esszone kosuang boyoon kampung om ponorikohon JKKK montok papatarang tongggungan diolo do poruput korikatan PATI id kinoyonon diolo/

“Sundung do ingkaa soira haro karaja miuhup ih nulud do Esscom id kinoyonon dilo, kakal ogumu PATI agakom sabap aiso kad kointutunan. Kinoyonon panangkapan dilo PATI nga amu osodu mantad wlai do boyoon kampung toi ko ponorikohon JKKK,” ka disio.

Minoboros isido miagal dilo soira minapatahak kointalangan kotungoligan id ababayan mongukab puasa om panahakan sakadai mantad Koperasi Pembangunan Desa kumaa tinimungan amu songkuro osonong konosipan montok mukim Sukau ih pinotimpuun di Puru Walai Koundangan Pogun Sukau Datuk Saddi Abdul Rahman, do hiti di konihab. – BERNAMA

Komen


Berita Berkaitan