Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kaiduan tatap pilian tosonong montok kosukupan waig id Kota Kinabalu: Pairin

paiirn 2
KOTA KINABALU: Kumoduo Boyoon Montiri Tan Sri Joseph Pairin Kitingan minoboros do pamansaian do Empangan Kaiduan kakaal pilian goos tosonong montok tadon kosukupan do waig amu naansak id suang kopoindalanan Porojik Skim Bekalan Waig Kota Kinabalu Fasa 3 montok momonu kosukupan do waig oborisi gisom toun 2050.

Ka disio,, Jemaah Montiri Sabah maya Ponoriukan Komungkinan toun 2009 om 2011 minomutus mooi Kaiduan sabaagi kinoyonon empangan dilo mangan potilombuso soira minangadang piro-piro karalanon do suai mogihum do waig.

Tumanud diso Jemaah Montiri Sabah nga minomutus nogi mooi wonsoion ilo miampai syarat ponoriukan ponilaian poimbida waya ahal posorili (SEIA) kopiagal dilo ponoriukan komungkinan pinapanau om pabantangon kumaa Jemaah montiri.

“Suai ko SEIA, Komiti Pemandu Porojik Kabagalan Waig Kota Kinabalu Fasa 3- Empangan Kaiduan nga minomutus nogi di tulan Kolimo 2015 mooi ponoriukan Ponilaian do Waya Sosial (SIA) apatut papanahon montok posogulu mogigion di naantakan

“Poingkuro po ponoriukan do SEIA om SIA amu po nakapanau sabap piro-piro kaantaban kosuang nogi bantahan tulun kampung,”ka disio.

Minoboros isido miagal dilo soira minonimbar ponguhatan dii Terence Siambun (PKR-Moyog) id sesi ponguhatan pitimungan Walai Koundangan Pogun Sabah. – BERNAMA

Komen


Berita Berkaitan