Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Kada pomusorou mororobuat karaja amu osonong: Musa

12:39pm 16/02/2016 Maryann 3 views Abal Kinoyonon,Berita Pilihan,Kinoyonon,Kota Kinabalu

musa
KOTA KINABALU: “Kada pomusorou do karaja id siktor pomutanaman nopo nga karaja di amu osonong nga intangai karaja dilo sabaagi iso kosiwatan karaja di kaanu manahak asil tosonong”.

Miagal dilo binoros di Boyoon Montiri Sabah Datuk Seri Panglima Musa Hj. Aman soira minanahak pason kopihondot Tomuduga Poingukab Skim Latihan 1Malaysia (SL1M) nayatan pogun Sabah id Universiti Malaysia Sabah (UMS), do hiti di konihab.

Pinokianu disio tinimungan komulakan mooi amu oindamaan momili karaja sabap tana nopo nga iso harata tagayo ih milo uusahaon montok poingkawas pandapatan sondiri.

“Sundung do kiningkokoton kou graduan nga tinimungan graduan diti tatap milo mongusaha tana sabaagi karaja om tumilombus simuliu mogindapu id pomutanaman,” ka disio.

Minoboros isido do kotonudan puru swasta id ababayan dilo kaanu mongintutun calun di kitaangayan sabap siktor dilo nga kitonggungan nogi mogintong pogun diti haro kapakaran di kosudong montok pomorunan om kogunoon id timpu timpu.

Ka di Musa porinta pogun kasasari monguhup mamagayat lobi ogumu papaapu id mogisuai-suai kaganaan montok papaapu id pogun diti.

“Koingkawasan papaapu okon nopo ko manahak waya tosonong montok ikonomi pogun nga kaanu mongukab kosiwatan karaja id mogisuai-suai siktor montok rayat pogun diti,” ka disio. – Sayang Sabah

Apa Komen dan Pendapat Anda

Artikel Berkaitan