Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kada pologoso puru labus momiraag kaamanan id Sabah

Datuk Seri Musa Aman
Datuk Seri Musa Aman

KOTA KINABALU – Porinta pogun minonugut kopoingatan do amu popologos isai-isai nopo puru toi ko minsosondiri ih mumbal momiraag kaamanan ugama om piuludan tinaru id Sabah.

Boyoon Montiri Datuk Seri Musa Aman minoboros, sabap dilo toinsanan puru apatut mingisom madtamong kaamanan om piuludan pogun diti montok tungkusan sukod wagu timpu abantalan.

“Otumbayaan oku kopogisuai-suaian do koubasanan om tinaru id pogun diti popokito, mulong do haro pisuaian kotumbayaan nga mogigion do pogun diti kakal oulud koposi-posion mantad laid gisom baino.

“Koimayaan miagal diti popomilo dati mamaramai mogisuai-suai karamaian miampai tinaru do suai. Amu noh alaid, mantad baino karamaian do Toun Wagu Sina. Tantu do mogigion mantad mogisuai-suai tinaru id pogun diti nga maganu kosiwatan do mamaramai karamaian diti,” ka disio.

Minoboros isido miagal dilo soira minanahak boboroson id ababayan kopongukaban Pesta Tarian Naga, Unikorn om Singa 2015 pinaanjur Kotinanan Mogigion Sina Bersekutu id Dewan Serbaguna, Likas, hiti di konihab.

Karait karamaian dilo, ka di Musa ilo nopo nga intodonon di kosuul montok sukod wagu mantad mogisuai suai tinaru id pogun diti do minsingilo toi ko balajar mamantang koubasanan tiso om tiso tinaru. – Dii Sitti Nor Azizah Talata / SayangSabah

Komen


Berita Berkaitan