Sayang Sabah Facebook

Likes
Sayang Sabah Twitter

12,521

Followers

Sayang Sabah - Portal Berita Negeri Kita

Kada pasalao o Esscom soira aantakan kasalaan tawagat id Esszone: MPSS

12:02am 10/04/2016 Maryann 11 views Abal Kinoyonon,Berita Pilihan,Kinoyonon,Kota Kinabalu

esszone
KOTA KINABALU: Kinoyonon Koumoligan Poimbida Tisan Kosilahon Sabah (Esscom) amu apatut pasalaon poimponu sokiro aantakan kasalaan tawagat dumarapas piolitan id Zon Atampasi Kosilahon Sabah (Esszone).

Monunurat Kounsil Pimuapakatan Suluk Sabah (MPSS), Mohd Zaki Harry Susanto minoboros do laang momohukum do Esscom nopo nga amu apatut sabap iyolo nokopoindalan tonggungan tosonong mantad notirudong ilo.

Tumanud disio, mogisuai-suai kalantaian nagampot do Esscom, kosuang minomoto pogumbalan monongoi id Esszone.

“Amu kopio aadang kumaa dotokou sokiro mokianu ungaron o Esscom sabap noh dilo kinaantakan panangayan id kinoyonon Esszone.

“Solinaid diti, nakalantoi o Esscom minangantob mogisuai-suai pogumbalan karaja taraat ih mumbal monoruang do kinoyonon tokou potilombus mangantob do aantakan panangayan do suai,” ka disio kumaa Bernama

Minoboros isido miagal dilo montok mongulas kointalangan Monunurat DAP Sabah Junz Wong ih paatag mooi bubaron toi ko ungaron o Esscom sabap naantakan panangayan id kowoigan Ligitan, Semporna di kawawagu.

Sabap dilo alansan ih Mohd Zaki puru di asaru ‘paparatu’ do Esscom mindahu sondiri miampai tumanud papanau karaja monikid tadau mooi lobi karati kowowoyoon pointopot piagalon. – BERNAMA

Apa Komen dan Pendapat Anda

Artikel Berkaitan