Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

Kada mintong nopo ‘tulu’, basaon o suang

1:29am 28/12/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

sallehKUALA LUMPUR: Tulu habar toi ko ‘news headline’ apatut tumanud do suang toiso-iso habar, sabap ilo nopo nga prinsip etika kewartawanan.

Montiri Piromutan om Multimedia Datuk Seri Dr Salleh Said Keruak minoboros do tulu habar mositi angkaton mantad ‘intro’ toi ko paranggan kumoiso toiso-iso habar dilo.

“Poingkuro po, nunu ih nokito tokou do babaino diti, haro ‘news headline’ ih koborulong, amu popokito suang do habar di tinulis om kadang koinsodu mantad suang do habar, ruputan toi ko habar dilo “disensasikan”, ponulisan winonsoi id labus do suang habar nokomoi.

“Mambasa oku suratkabar om nogi mintong portal berita… koubasanan ku monikid tadau mantad di gulu gisom baino id komontirian di kitonggungan poimponu kumaa media,” ka disio id sinuratan kawawagu dau id blog sskeruak.blogspot.com di konihab.

Id timpu babaino diti, monikid timpu ogumu kointalangan kawaya sumuang, mogisuai-suai sorita mantad mogisuai-suai ponulisan toi ko ‘angle’ di winonsoi, ka disio.

Ka dii Salleh wookon nopo media massa om portal berita, haro pisuaian om misuai ponginsamakan, montok mamagayat tulun mambasa om maya pogintangan disio haro tulu habar ‘news headline’ di “sensasi”, “kontroversi”, spekulasi om provokasi.

“News headline koubasanan nopo nga tontuon di editor om okon ko monunurat ih poinsurat ‘by-line’ id ruputan dilo, om pomilian do toiso-iso ‘news headline’ tumanud pangadangan om integriti sosongulun editor,” ka disio. – BERNAMA

Apa Komen dan Pendapat Anda

Artikel Berkaitan