Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kada lihuai kosuulan do pogun id suang pingisaman manalasai ahal PATI

Musa Aman (wanan) mamaramit palantikan Ponorikohonn Miampai Komiti Induk Pongurusan Songkosuaian id Sabah, ih pinatahak di Zahid Hamidi (gibang) id Wisma Innoprise, Likas. – foto JKM
Musa Aman (wanan) mamaramit palantikan Ponorikohonn Miampai Komiti Induk Pongurusan Songkosuaian id Sabah, ih pinatahak di Zahid Hamidi (gibang) id Wisma Innoprise, Likas. – foto JKM

KOTA KINABALU – Porinta pogun minonugut ningkokoton dau do maganu laang osikap om okodou montok momunso ahal om kobolihangkangan modidikot songkosuaian aiso kasagaan (PATI) kalapas nakabantang Ruputan Suruhanjaya Ponoriukan Diraja (RCI) karait PATI id Sabah di tulan Kohopod om Duo toun nakatalib.

Boyoon Montiri Datuk Seri Musa Aman minoboros do porinta pogun mogintong duo ahal tagayo mangan poiliho montok posoguluonon tosikap id suang mogihum panalasaian kobolihangkangan dilo.

“Kumoiso, mangantob kosuangan do PATI di wagu id pogun diti maya pangantaban opidot om kiwaya id toinsanan piolitan pogun ih papanahon do Kinoyonon Kotungoligan Poimbida Tisan Kolisahon Sabah (Esscom).

“Koduo, papaatod om monguyung dilo PATI ih haro mantad id pogun diti miampai popilipat ponguasaan om poposikap porosis paatadan muli kosuang mokianu ponguhupan mantad koporintaan pogun tadon do PATI nokomoi,” ka disio kumaa magan habar hiti.

Minoboros isido miagal dilo kalapas minonorikohon Mitingan Komiti Induk Pongurusan Tulun Songkosuaian id Sabah, miampai Montiri Suang Pogun Datuk Seri Ahmad Zahid Hamidi id Wisma Innoprise, Likas.

Id mitingan dilo, pinabantang nogi ruputan toinsanan karaja monguasa ih mamaso papanahon do puru kikuasa.

Sabap dilo minopotosol nogi ih Musa do porinta amu manu isai nopo puru monolikud kosuulan do pogun id suang mingisom manalasai PATI.

Ka disio, toinsanan puru pokionuon do manahak ponguhupan kumaa pingisaman do porinta dilo. – Dii Sitti Nor Azizah Talata / SayangSabah

Komen


Berita Berkaitan