Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kada korosiai maganu palatih JPSM

Billy (tolu mantad gibang) popotunui sitipikit kumaa songulun palatih . – foto Monica Gidong
Billy (tolu mantad gibang) popotunui sitipikit kumaa songulun palatih . – foto Monica Gidong

KOTA KINABALU – Touki ngawi ih maganu palatih mantad Koupisan Kotundaan Tadon Tulun (JPSM) amu tagal mosirosi do maganu diolo sabap iyolo nopo nga kiharo komilaan om nalatih papanau karaja diolo.
Suai ko ilo, ababayan komilaan ih kogumuan tinanud do sukod wagu lapasan Sijil Peperiksaan Malaysia (SPM) dilo nga mantad pogun diti nokito nakaanu raramit osonong mantad komulakan ngawi.
Potunud JPSM, Billy Yumbod minoboros do soginumu 1,333 apalai pinaatod kumaa JPSM id Papar di toun nakatalib nga 256 noh pinolulus sabap amu korumpos tiyonon.
“Montok poposindak poh kawagu diti ababayan komilaan, posodiaon do puru JPSM lobi ogumu kalas om monontuduk ngawi id suang kaganaan diti id timpu abantalan,” ka disio.
Minoboros isido miagal dilo kumaa maganu habar kalapas ababayan ponutuban om panahakan sitipikit kursus Juruestetik Sijil Kemahiran Malaysia (SKM) Tahap 2, JPSM hiti di kawawagu.
Mokianu nogi isido kumaa tinimungan komulakan koonduan do mimparagat id kaganaan pinglumisan om spa ih kipotensi tagayo om kapanahak pandapatan osonong sokiro haro pingisaman.
Sabap ka disio, kaganaan pinglumisan okon nopo ko milo silihon sabagi pongindopuan nga milo nogi silihon do pogihuman karaja. – Dii Monica Gidong / SayangSabah

Komen


Berita Berkaitan