Sayang Sabah Facebook

Likes
Sayang Sabah Twitter

11,792

Followers

Sayang Sabah - Portal Berita Negeri Kita

Kada korosi boros-boros tana gumuyu id Lahad Datu

9:49pm 09/03/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

lahad-datu-600x366
KOTA KINABALU: Mogigion id pogun diti lolobi id Lahad Datu pinokianu mooi amu modosi om momonsoi boros-boros toi ko kaka-kaka karait tana gumuyu ih dinawa pikikiro aantakan id watas dilo om posorili dau.

Boyoon Longkod Ponoriukan Korumbakon Misorili (PKBA) Universiti Malaysia Sabah (UMS) Prof Dr Kawi Bidin minoboros do mogigion mositi kasasari miintong intong om mokianu kointalangan mantad agensi di mamantai kaantakan tana gumuyu id Sabah.

“PKBA miampai agensi porinta do suai poinsodia manahak ponguhupan kapakaran maya balajaran om seminar kopurimanan karait koligogon korumbakon gumuyu tana id Sabah sabaagi laang tosopung,” ka disio id suang kointalangan do hiti di biano.

Minoboros isido miagal dilo montok mongulas kinaantakan tana noguyu opihoi id kowoigan Teluk Darvel poinsomok do Lahad Datu, Sabah ko-16 tulan Koduo, ko-1 om ko-4 tulan Kotolu nakatalib.

Tumanud dii Kawi ilo nopo nga kaantakan sandad montok kopoiduan tanaga id kowoigan dilo.

Kinaantakan dilo nosiliu viral id media sosial miampai ramalan do aantakan kaka kawagu tana gumuyu di lobi ologod id watas dilo om kopiagal doti toi ko lobi ologod mantad tana noguyu id Nuluhon Nabalu di ko-5 tulan Koonom 2015. – BERNAMA

Apa Komen dan Pendapat Anda

Artikel Berkaitan