Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Kada koborulong karait ahal Hudud: Salleh

9:34pm 01/06/2016 Maryann 2 views Abal Kinoyonon,Berita Pilihan,Kinoyonon,Kota Kinabalu

28salleh
KOTA KINABALU: Rayat id pogun diti pinokianu mooi amu oborulong karait ahal komoyon haro noh kaka Akta Undang-Undang ukuman Hudud pawaladon id Parlimen.

Tumanud Montiri Piromutan om Multimedia Datuk Seri Panglima Salleh Said Keruak tongo maganu habar om mogigion mositi mogintong kopio katapatan toiso-iso kointalangna pogulu posibar dilo sabap ahal pointopot nopo karait ahal dilo nga montok monginsonong do undang-undang syariah ih haro mantad.

“Atag di pinoboros dilo okon ko atag do porinta nga atag misosondiri om id sistom demokrasi di noubasanan tokou, pasagaon tokou atag misosondiri.

“Poingkuro po, tumanud do kosudongon montok onuan kosiwatan do pawaladon toi ko amu,” ka disio soira minopotimpuun frekuensi 107.9 Radio Bernama do hiti di kawawagu.

Minboros nogi isido karait tuntutan do porosidin Polipin di kawawagu karait pogun Sabah ih nosiliu ahal alasu om nakaanu mogisuai-suai boboroson mantad mogigion lolobi maya media sosial.

Ka disio, tuntutan toi ko kopokionuan dilo nopo nga amu noh releven sabap rayat Sabah mantad nakagabas sondiri minomili do miampai Malaysia.

Tumanud disiom ahal dilo nosiliu koubasanan id suang pulitik pogun nokomoi soira haro porosidin kawawagu. –SayangSabah

Apa Komen dan Pendapat Anda

Artikel Berkaitan