Sayang Sabah Facebook

Likes
Sayang Sabah Twitter

11,727

Followers

Sayang Sabah - Portal Berita Negeri Kita

Kada kasala momogunu kuasa: Jalaluddin

11:52am 18/12/2015 Maryann 6 views Abal Kinoyonon,Berita Pilihan,Kinoyonon,Kota Kinabalu

POLIS
KOTA KINABALU: Puru Polis Diraja Malaysia pinosorou mooi amu kasala momoguno kuasa di pinatahak kumaa diolo om mintingubas kowowoyoon otulid soira papanau karaja.

Pesuruhjaya Polis Sabah Dato’ Jalaluddin Abdul Rahman minoboros miagal dilo id kotombuluian karaja id Longkod Pulis Watas Kota Kinabalu do hiti di konihab.

“Toiso-iso puru pulis haro kuasa toi ko autoriti diolo sondiri nga kada kasala momoguno kuasa di pinatahak kumaa dotokou om alaai kowowoyoon emosional nga apatut profesional soira papanau karaja,” ka disio.

Minokianu nogi isido mooi puru pulis papanau ponoriukan miampai patantu timpu karait ruputan di winonsoi tulun ginumuan montok mangalai mogigion kopomusorou do puru pulis kaagal-agal amu papanau karaja.

Ka disio sundung do pongintaban kasalaan tawagat id pogun Sabah nopo nga osiriba piagalon pogun do suai nga puru pulis kasasari papanau karaja tososonong.

“Kada kotood sabap ningkokoton sabap ilo nopo nga daamot noh, nga kotood noh sokiro kalantoi tokou papanau karaja di pinatahak kumaa dotoko toinsanan,” ka disio.

Toun diti, pongintaban kasalaan tawagat id waatas Kota Kinabalu minoposurat kinoinsiribaon soginumu 8.32 pihatus toi ko nokoinsiriba 120 kiis ih nokotimpuun nokoinsiriba mantad 2009 poh. – Dii Leolerry Lajius/Sayang Sabah

Apa Komen dan Pendapat Anda

Artikel Berkaitan