Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kada kasala momoguno sakadai sikul

batu-2
TAWAU – Sakadai sikul ih pinatahak do porinta montok monguhup papagaan kobolihangkangan susumikul do poposodia kosukup-sukupan sikul diolo amu obuli gunaon montok tujuan do suai, suai ko montok koporluan sikul.
Monguhup Montiri Kotundaan Tadon om Komogoton Tiknologi Kointalangan Pogun Datuk Hamisa Samat minoboros do komolohingan amu apatut momoguno sakadai di pinatahak porinta sogunumu RM100 montok kogunoon do suai.
“Sakadai dilo apatut mangan gunoo montok momoli nunu nopo kosukup-sukupan do tangaanak kosuang nogi rasuk ponginsikul moi osonong ginawo diolo soira kotimpuun sikul,” ka disio kumaa maganu khabar kalapas minopotimpuun Ababayan Gumuli Kumaa Id Sikul “Jelajah Gunting Rambut’ id Mukim Tanjong Batu Laut, Tawau, hiti di baino.
Ababayan dilo pinaanjur Unit Pemimpin Pembangunan Masyarakat Tanjong Batu tinanud pikikiro 100 tangaanak sikul.
Hamisa ih ponogi Puru Koundangan Pogun (ADUN) Tanjong Batu minoboros do balajaran nopo nga iso kosuulan dii nonuan pogintangan tosorisid do porinta montok papalabus mogigion di kitoilaan.
Ka disio, prorinta kasasari papanau transformasi id suang balajaran mantad podii nakaanu komordikaan montok koinsonongon mogigion lolobi sukod wagu timpu abantalan. – SayangSabah

Komen


Berita Berkaitan