Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kada do amu otumbabyaan sakadai binatos montok mungui noguyu tana

gemparanau2
KOTA KINABALU – Sakadai di pinolulus om binatos do porinta pogun om longkod montok papagaan tingorit munggui tana noguyu id watas Ranau amu tagal uhoton.

Montiri Kotundaan Tadon om Komogoton Tiknologi Kointalangan Pogun, Datuk Siringan Gubat minoboros do nunu ih nabatos do porinta, sombohogian dau nakatahak noh sorokuri-kuri.

“Miagal dilo karaja monginsonong do sikul ngawi dii naraag sasabap tana noguyu mamaso noh papanahon di kuntiriktor. Haro nogi karaja monginsonong di maganu timpu alaid miagal momonsoi masjid miampai balanja RM8 riong miagal di pinolulus do porinta longkod.

“Komontirian Kolidasan nga manahak do poruntukan montok momonsoi walai kukumaraja om Hospital Ranau suai ko monginsonong piro-piro bangunan do suai kosuang nogi balai pulis,” ka disio.

Minoboros isido miagal dilo kumaa manganu Habar kalapas minopotimpuun ababayan panahakan sijil kolimpupuson pinsingilaan id Institut Latihan Teknik dan Perdagangan (ILTP) Sesi 1/2015, do hiti di baino.

Watas Ranauu naantakan noguyu tana kitukuran 5.9 skala Richter di tadau Ko-5 tulan Koonom om naantakan gogor sumusuhut kalapas dilo minogowit kinaraagan bangunan porinta kosuang sikul, walai pongubatan om balai pulis.

Siringan ih ponogi Puru Walai Koundangan Pogun (Adun) Paginatan minoboros do puru dau mongunsikou kumaa toinsanan puru ih minanahak toluod kumaa mungui tana noguyu om luyud burutak id watas dilo. – Dii Sitti Nor Azizah Talata / SayangSabah

Komen


Berita Berkaitan