Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kaangayan tinimungan komulakan id Sabah apatut posindakon

sandakan-musa
SANDAKAN: Kaangayan tinimungan komulakan id Sabah apatut posindakon maya poingkawasan komilaan, ka di Boyoon Montiri Datuk Seri Musa Aman.

Sabap dilo ka disio ponginsamakan diti momorlu pingisaman mooi koubasanan komilaan koruak miampai lobi poimpuli id suang mogigion om okon ko id ababayan balajaran id sikul noh.

Ka disio, rikoton dilo montok popotunda mogigion do babaino diti potilombus poingkawas ningkokoton do rayat montok kosimbayanon toinsanan tulun om pogun.

“Id ahal diti, porinta kasasari mogintong ahal kotundaan om piuludan sabaagi rikoton tagayo.

“Asil dilo, ih tokou okon nopo ko nakagampot kowowoyoon di otoronong, osimbayan om oulud nga nakaanu tokou momurimon kinomogoton om kosimbayanon poimpasi,” ka disio.

Minoboros isido miagal dilo soira minopotimpuun ababayan Perarakan Umum karamaian Maulidur Rasul nayatan Sandakan do hiti di baino.

Soginumu 62 kontinjen kosuang agensi om koupisan porinta, kotinanan, taman pomuwalaian, sikul om masjid posorili watas diti tinanud id ababayan dilo. – BERNAMA

Komen


Berita Berkaitan