Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Kaamatan posiliu Sabah ririkoton tutumombului

10:38pm 15/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

kaamatan dbkk
KOTA KINABALU: “Karamaian Kaamatan nopo nga iso karamaian di lonsod mantad Sabah om rinamai id nayatan kabansaan om ih tokou sabaagi tulun Sabah mositii miampai monokodung om mamaramai karamaian diti”.

Miagal dilo boboroson di Montiri Piromutan om Multimedia Malaysia Datuk Seri Dr. Salleh Said Keruak, soira minanahak boboroson minopotimpuun ababayan ponutupan Karnival Kaamatan Nayatan Bandaraya Kota Kinabalu id Padang Merdeka, do hiti di kosodop.

Tumanud disio, karamaian diti di pogulu poh ramaion noh id nayatan kampung nga do babaino ramaion gisom id nayatan kabanaan om rinamai toinsanan mogigion.

“Karamaian lonsod mantad Sabah diti nopo nga iso mantad di kapamagayat ginawo tutumombului om nosiliu impohon montok pointalang koubasanan mogigion pogun Sabah,” ka disio.

Ka disio, Komontirian Porimutan kasasari manahak sokodung montok mamaramai karamaian miagal diti sabap okon nopo ko sabaagi tiyonon do pointalang koubasanan mogigion Sabah nga sabaagi ralan piuludan.

Tumanud disio, poruntukan poimbida nga mangan patahako kumaa Kota Kinabalu montok tuduan posodia komudahan wifi miampai aiso kabarai kumaa posiliu kakadaian diti kopiagal dilo kakadaian do suai. – SayangSabah

Apa Komen dan Pendapat Anda

Artikel Berkaitan