Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kaakun agaras o PBS tumanding id Penampang, aiso ginawo poporuol do UPKO: John Ambrose

KOTA KINABALU – Okon ko poporuol ginawo toi ko popokoro-koro komilaan do Upko magahau kawagu korusi Parlimen Penampang om Walai Koundangan Pogun (DUN) Moyog id pomilian tagayo abantalan.
Nga id sambalik dilo, Boyoon Umno Bohogian Penampang Datuk John Ambrose minopoilo, boboroson miagal dilo nopo nga pomusarahan dau sondirri soira kokito kowowoyoon pulitik id pogun diti ih nokosimban tokuri kalapas pomilian tagayo ko-13 nakatalib.
Kipomusarahan isido do, Parti Bersatu Sabah (PBS) nopo nga haro kagarasan sondiri om kaanu monguhup do Barisan Nasional (BN) magahau kawagu korusi ngawi dilo id pomilian tagayo abantalan.
“Okon ko moboros oku amu agaras o UPKO, nga mantad pomusarahan ku PBS nopo nga haro tokuri kolobihan do tumanding kawagu id Penampang,” ka disio.
Minoboros isido miagal dilo soira rinuba maganu habar kalapas ababayan Sipoot Karnival Dwi-Tounan Komontirian Kousinan miampai koupisan om agensi id siriba komontirian dilo id Dewan Serbaguna Kompleks Sipoot Kota Kinabalu ih pinotimpuun di Boyoon Montiri Datuk Seri Musa Aman.
Ambrose ih ponogi Ponorikohon Yayasan Bumiputera Sabah, minoboros do kinaalan di bagas porosidin Upko, Tan Sri Bernard Dompok minopotindohoi do korusi dilo minongukab mato do BN mogihum ponginsamakan suai popoguli kotumbayaan do rayat kumaa BN. – Dii Monica Gidong / SayangSabah

Komen


Berita Berkaitan