Sayang Sabah Facebook

Likes
Sayang Sabah Twitter

11,821

Followers

Sayang Sabah - Portal Berita Negeri Kita

JPNS monoriuk mongiingia’ titondos Pinoposuang video ayamut

3:36pm 12/03/2016 Maryann 0 views Abal Kinoyonon,Berita Pilihan,Kinoyonon,Sandakan

jame-alip
SANDAKAN: Koupisan Palajaran Pogun Sabah (JPNS) mamaso popoindalan ponoriukan kohondot di songulun mongiingia’ id watas diti i tinondos minomonsoi do tinimungan WhatsApp om pinoposuang do video ayamut montok pokitanan di puru tinimungan dilo’.

I Potunud dilo’ i Datuk Jame Alip minoboros do koupisan nokomoi amu’ monokiwoyo’ om laang tokodou onuon kohondot di mongiingia’ dilo’ nung oilaan no do pinopowonsoi koulalaho’ aiso’ tadat dilo’ sabab atalang ilo’ do kopomiraag ngaran tosonong koupisan om karaja’ mongiingia’.

“Nointutunan no dahai o mongiingia’ dilo’, poingkuro po ahal dilo’ kakal id nayatan ponoriukan.

“Sabaagi songulun mongiingia’, koulalaho’ aiso’ tadat om kapahub do kooturan sabaagi songulun mongiingia’ amu’ apatut do aantakan,” ka disio kuminaa magaganu habar ontok pinokianu mongomi do totondos dilo’, di maso pinopowonsoi do kinotombuluyan monigoo id Sikul Mananga’ Kabansaan Ugama’ Tun Juhar do hiti di songkoniihab.

Pinopowonsoi isio do kinotombuluyan monigoo id piipiro sikul kiasrama doid watas diti montok mooi intong di kinoborision pososorili’ lintuhun taakanan, roputan om taakanon i posodiaon di tongo’ poposodia’ takanon.

Isio i monongsontob ginawo di gontob korosian id sikul nokomoi, minamason di tongo’ poposodia’ takanon asrama sikul do maganu pinggisoman momoruhang sitok tahata’ taakanon sokuukuri’ montok tolu tadau sabaagi posodiaan di nunu-nunu kopikiikiraan.

Ka disio tongo’ poposodia’ taakanon asrama kiguno toririmo papatantu’ do koborisian id gontob di bobos tosonong montok mongilag kiis kowonitan takanon.

Minamason i Jame do koupisan dilo’ amu’ bakangon di tongo’ poposodia’ takanon i amu’ momoduli’ do koborisian om sinonong nogi’ bitamin taakanon montok susumikul.

Id ahal di sopisuai, pinokianu po nogi’ disio o tongo’ molohingon sikul om molohingon mongiingia’ do mongimpidot kapanamangan kotingoligan id sikul diolo’ om papatantu’ di upas kotingoligan popoindalan karaja’ do poinsonong. – BERNAMA

Apa Komen dan Pendapat Anda

Artikel Berkaitan