Sayang Sabah Facebook

Likes
Sayang Sabah Twitter

11,696

Followers

Sayang Sabah - Portal Berita Negeri Kita

JPN minanahan songulun tondu kiharo kad kointutunan tulun suai

1:37pm 16/02/2016 Maryann 2 views Abal Kinoyonon,Berita Pilihan,Kinoyonon,Kota Kinabalu

jpn
MELAKA: Koupisan Porijistaan Pogun (JPN) Melaka minanahan songulun tondu kikotumbayaan kiharo kad kointutunan tulun suai id tupis JPN do hiti, di konihab.

Boyoon Bohogian Ponoriukan om Ponguatkuasaan JPN Melaka, Mohd Nasrom Yusof minoboros do id kinaantakan dilo, tondu kiumur 44 toun minooi id tupis JPN id Kompleks Komontirian Suang Pogun (KDN) do hiti mongolon kad kointutunan toi ko Mykad.

Ka disio, mamaso nokoindalan o karaja mongolon id kaunter jam 12 pitangaadau, nokito do tupisor pakaraja gambar om cap tunturu id komputer amu miagal do tondu nokomoi.

“Mantad rikod JPN noilaan do sanganu pointopot kad kointutunan dilo nokopongolon Mykad id Tambunan, Sabah.

“Pinokianu tokou o tondu dilo mongoi id bohogian ponoriukan om ponguatkuasaan montok soiukon nga mumbal manahak susuap kumaa tupisor monguatkuasa miampai manahak tusin RM100 om amas mooi poiduon,” ka disio kumaa maganu habar id Kompleks KDN do hiti.

Minoboros ih Mohd Nasrom do tondu dilo minangakun sabaagi tulun Polipin om nakaanu kad kointutunan mantad podii toun 1995 mantad tina tompinai disio id Sabah.

Ka disio, pogulu diti tondu dilo poingion id Sabah pogulu minundaliu id Melaka toun 2001.

“Nowonsoi tokou noh ruputan pulis id Balai Polis Ayer Keroh, do hiti om tinahan daamot ih tondu solinaid apat tadau montok monguhup ponoriukan id siriba Akta Porijistaan Pogun om Kooturan 1990 (Pinoundaliu 2007),” ka disio. – BERNAMA

Apa Komen dan Pendapat Anda

Artikel Berkaitan