Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

JPBM Tawau nakamanang 3 kiis ponohuban kooturan

bomba.-1-600x398
TAWAU – Koupisan Bomba om Manampasi (JBPM) Tawau nakalantoi tolu kiis ponohuban kooturan tumanud Akta Perkhidmatan Bomba 1988 ih kumoinsan nogi nigitan kuminaa id Kuut Majistret Tawau di toun nakatalib.

Boyoon Zon JBPM Tawau, Ismaidi Ismail minoboros do soginumu apat poh kawagu kiis mangan dawao id kuut tumanud akta di miagal kalapas amu natanud o notis di pinosoliwan kumaa sanganu kadai.

“Okon ko momohukum tokou nga manahak tokou pongitanan kumaa do suai sabap kosuul kopio madtamong kotungoligan montok toinsanan puru om manu tokou dilo sanganu kadai do tumanud kooturan di pinosodia,” ka disio.

Minoboros isido miagal dilo kumaa maganu habar kalapas Ababayan Pomoromitan Karaja Boyon Balai Bomba om Manampasi Tawau id Balai Bomba Tawau. Pomoromitan karaja diloo nopo nga mantad dii Boyoon Balai Bomba om Manampasi Tawau dii laid Rudy Fredzek om soolionon dii Mohd Razali Awang Ahmad.

Tumanud di Ismaidi, kasalaan nopo dii pinosurat nga sanganu kadai amu haro porakuan do bomba om haro porakuan nga amu papanau ponginsanangan om pongintangan.

Ka disio, JBPM Tawau nakaanu minanampasi soginumu RM1,178 riong harata poompus toun 2014 miampai korugian soginumu RM360 riong om soginumu RM817 riong o natampasi.

Tumanud disio, puru bomba minapaatag moi turidongon po kawagu limo balai bomba bantuan id watas diti id Kalabakan, Merotai, Balung, Pulau Sebatik om Bandar Sri Indah, sabagi laang osikap manahak ponguhupan manampasi om momisok do tapui soira aantakan kotutudan. – Dii Masani Sandan / SayangSabah

Komen


Berita Berkaitan