Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

‘Jom Daftar’ popoingkawas kopurimanan karait kosuulan prasikul

Tangaanak kiumur apat om limo toun apatut balajar id longkod pra sikul ih nokorijistor – Gambar Toomod.
Tangaanak kiumur apat om limo toun apatut balajar id longkod pra sikul ih nokorijistor – Gambar Toomod.

KOTA KINABALU – Komontirian Balajaran minapaharo Ababayan ‘Jom Daftar’ kihontolon manahak kointalangan kumaa molohing karait kosuulan balajaran tosopung montok tangaanak diolo.

Kumoduo Potunud Balajaran Sabah Maimunah Suhaibul minoboros do ababayan dilo nga kaanu nogi popoingkawas kopurimanan molohing moi papaatod tanak diolo ih kiumur 4 om 5 toun id longkod pra sikul ih nokorijistor miampai Komontirian Balajaran.

“Minoposodia o porinta mogisuai-suai ponguhupan kosuang sakadai yuran sikul om geran poimpuunan montok papanau tadika sabagi pingisanan mongnsub ababayan ppra sikulan,” ka disio soira rinumba id ababayan kopotimpuunan ababayan dilo id Palm Square, Centre Point do hiti.

Poingkuro po ka disio banuan geran poimpuunan dilo mangan patahako kumaa longkod pra sikul ih nokorijistor id siriba komontirian.

“Pongusaha longkod pra sikul ih amu po nokorijistor id siriba komontirian milo mokianu kointalangan karait porosis porijistaan id ababayan diti,” ka disio.

Minoposorou nogi isido kumaa molohing ngawi moi mogintong status rijistor tadika id laman web do komontirian montok papasanang diolo momili tadika di kosudong.

Laman web nopo dilo nga www.smpk.moe.gov.my. – Dii NUZIR ANDI SAMSIAR / Sayangsabah

Komen


Berita Berkaitan