Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

JKR pinokianu posikap momonsoi sunsuion di naraag

1:25am 30/12/2015 Maryann 1 views Kinoyonon,Kota Kinabalu

jelani matunggong
MATUNGGONG: Koupisan Karaja Tagayo (JKR) pinokianu posikap momonsoi om monginsonong do piro-piro sunsuion id kinoyonon Walai Koundangan Pogun (DUN) Matunggong ih naraag noh om koligogon do momoguno.

Puru Walai Koundangan Pogun (ADUN) Matunggong Dato Jelani Hamdan minoboros do haro sombohogian sunsuion di winonsoi mantad kayu naraag noh om oporlu insanangan tosisikap.

Miagal sunsuion kayu id Kampung Mogong, sunsuion Kampung Pinawantai om Kampung Angkob ih naraag om koligogon wayaan do korita.

“Sabap dilo mokianu oku kumaa puru JKR do mongoi intong kowowoyoon sunsuion id kinoyonon Matunggong lolobi sunsuion kayu di naraag noh om oporlu insanangan.

“Sokiro pologoson o sunsuion kayu di naraag dilo amu wonsoion tantu koligogon do momoguno lolobi korita di tumalib maya sunsuion dilo,” ka disio.

Minoboros isido miagal dilo soira minooi intong kowowoyoon sunsuion Kampung Mogong miampai mogigion kampung do hiti di konihab. – Sayangsabah

Apa Komen dan Pendapat Anda

Artikel Berkaitan