Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

JKKK/JKDB tuod tagayo porosis transformasi kinoyonon labus kakadaian

radin
KOTA KINABALU: Puru Komiti Koburuon om Koumoligan Kampung (JKKK) om Komiti Mogigion Suang Kakadaian (JKDB) pinokianu mooi miampai monokodung ababayan om impohon do porinta kagait transformasi labus kakadaian.

Montiri Koburuon Labus Kakadaian om Wilayah Dato’ Sri Ismail Sabri Yaakob minoboros do, JKKK/JKDB nopo nga kosuul sabaagi ejen transformasi kumaa kinoyonon kampung toiso-iso diolo om sumiliu momuruan barisan dogulu ih nosiliu tuod kumaa kotundaan pogun.

“JKKK/JKDB tinuridong montok sumiliu iso longkod kopomuruanan id nayatan sunsud montok popoingkawas gontob sosioekonomi om potilombus mogintong toinsanan porojik kotundaan id toiso-iso kampung.

Iyolo nga sumiliu mato om tolingo pornta id suang porikot kointalangan miagal impohon ngawi ih pinapanau kumaa mogigion kinoyonon maya wayaan di pointopot,” ka disio.

Minoboros isido miagal dilo soira minanahak boboroson id Ababayan Misuau miampai JKKK/ JKDB Zon tisan Koributon Kotonobon, id Hotel Klagan Regency, 1 Borneo, konihab.

Suai ko ilo, ka disio poruntukan soginumu RM 4.120 bilion nokolulus noh puru porinta montok kotundaan infrastruktur id Sabah. – Dii Elezebeth Esther/ Sayangsabah

Komen


Berita Berkaitan